فتنة طائفية كلاكيت مش آخر مره

شارك المقال

Share on facebook
Facebook
Share on twitter
Twitter
Share on linkedin
LinkedIn

تحديث

أنا لاحظت إن فيه ناس بترد بتشتم فى الدين الإسلامى والمسلمين وبعدت عن الموضوع نهائى وبتنشر فى التعليقات مواقع للتشكيك فى الدين الإسلامى ومواقع تبشير وكدا ، أنا حذفت كل اللينكات دى لان مالهاش أى علاقه بالموضوع ، إحنا بنتكلم عن فتنه طائفيه مش بنتكلم الاسلام اللى صح ولا المسيحيه اللى صح

——

والله انا ما عارف أكتب إيه !! أتكلم عن الجهل ولا عن الأمن ولا عن إيه بالظبط … بيقولك الناس طايحه فى بعض فى الفيوم … أصل مسلمي الفيوم دلوقتى جه دورهم علشان يكملوا محافظة على الإسلام …. بيقولك الناس اللى فى الفيوم عايزين يبنوا كنيسه ولما أخدوا تصريح وبدأو يبنوا مكان يصلوا فيه .. وجابوا الحاجه الصقعه علشان يحتفلوا ببناء بيت للعباده ذ… المسلمين نزلوا فيهم طاخ طاخ هووووووووووووب تلاته إتصابوا وواحد وعشرين بيت بقى فيهم خساير هوووووووووب تانى المسيحيين إتحجزوا فى بيوتهم والأمن مش عارف يعمل حاجه … وأنا من هنا بقول لإخونا الأقباط لما يحصلوا حاجه حاجه وتحسوا إنكم هتموتوا خلاص إبقوا إهتفوا ضد الريس والأمن هيحميكوا …. أه والله مش بهزر …. هما صحيح هيضربوكوا وصحيح هيسحلوكوا وصحيح هيعتقلوكوا كام يوم ولا كام شهر بس الفايده أكبر مش هتموتوا يعنى

انا قريت فى مكان ما عن إن المسيحيين رددوا هتافات طائفيه انا ماكنتش هناك وما أجزمش بدا

لكن لو دا صح فتبقى المشكله بقت أكبر

ولو غلط يبقى ربنا يستر على مصر

لسه من يومين كان بمها فى العياط وقبليها إسكندرية وكان زمان الكشح ومن مده الشرقيه اتقتل فيها واحد وكل يوم مصيبه و الناس اكته والحكومه كدا كدا بتسكت والناس عماله تموت وبلاوى سودا بتتقال علينا بره والناس والحكومه لسه ساكته والدنيا كل يوم بتولع عن اللى قبله ومحدش عارف يوقف المصيبه

بإسم الإنسانيه شوفوا حل يا مسلمين

لما إحنا بنقول الإسلام بيحترم حرية العقيده يبقى إزاى مانسمحش ليهم يبنوا مكان يصلوا فيه

اللى بيحصل دا ما يرضيش ربنا

الناس بتتقتل يا ريس وبتتبهدل شوفلك حل

الناس بتاكل فى بعضها بعد ما انتوا كلتوهم ياولاد الكلب

شوفولنا حل يا حكومه

شوفلنا حل الله يخرب بيتكوا

—–

بسم الله الرحمن الرحيم

قُلْ يَا أَهْلَ الْكِتَابِ تَعَالَوْا إِلَى كَلِمَةٍ سَوَاء بَيْنَنَا وَبَيْنَكُمْ أَلاَّ نَعْبُدَ إِلاَّ اللَّهَ وَلاَ نُشْرِكَ بِهِ شَيْئًا وَلاَ يَتَّخِذَ بَعْضُنَا بَعْضًا أَرْبَابًا مِّن دُونِ اللَّهِ فَإِن تَوَلَّوْا فَقُولُواْ اشْهَدُواْ بِأَنَّا مُسْلِمُونَ

قال رسول الله صلى الله عليه وسلم

من آذى زميا فقد آذانى

اوصيكم باقباط مصر خيرا فان لكم فيهم صهرا ونسبا