تشكيل وزارى مصرى جديد بس تشكيل عظيم جدا

شارك المقال

Share on facebook
Facebook
Share on twitter
Twitter
Share on linkedin
LinkedIn

التشكيل الوزارى الجديد اللى عو يعنى فى إطار التغيير السياسى العظيم بقيادة القائد الملهم الخطير الريس حسنى مبارك وحبيبه نظيف الغير تظيف .
عموما نشوف التغيير ايه اللى حصل فيه
يحتفظ 23 من وزراء الحكومة السابقة بمناصبهم بالاضافة الى 7 وزراء جدد
الغريب ان أرخم واحد فى الحكومه اللى هو واكل نص البلد يا عينى وسايب الباقى مناصفه بين الشعب وبقية الوزاراء أقصد كمال الشاذلى طلع من الوزاره يعنى اخد الخازوق .
وطبعا كما الشاذلى خرج لانه مابيفهمش وما عرفش انه المفروض كان يكون مع الرئيس القادم يعنى يكون مع جمال ليه؟؟لان الناس القدام زى الشازلى وأخوانه النصابين خلاص راحت عليهم والرئيس جمال مبارك قادم قادم لامحاله عشان كده انا سمعت ان الشاذلى واخوانه النصابين بيبصوا لقدام وهيخلوا ولادهم يكون أصحاب شادى جمال مبارك .
التعديل الوزارى الجديد او تقدر تقول التهبيل الوزارى كان على غير المتوقع فنأتى لوزير السياحه وهو فى الاساس يمتلك شركه سياحيه طبعا مصيبه لان الشركه دى هتكون بعد كام ساعه أكبر شركه
اما وزير النقل فهو صاحب توكيل شركة جينرال موتورز
والمفاجأه الكبرى وزير الصحه طبيب و مستثمر فى مجال الصحه يعنى بتاع مستشفيات خاصه
طبعا التعديل الوزارى الخطير جدا ده هيكون الهو النواه اللى هتنفذ البرنامج الخارق برنامج المستقبل المباركى برنامج الحزب الوطنى .
وانا شايف ان فعلا إختيارات مميزه جدا والتغيير قادم قادم وجمال مبارك قادم قادك وشادى ابن جمال مبارك قادم قادم
يعنى من الآخر مافيش فايده
إرحمنى يا رب زهقت من الـ…اللى ماسكين البلد